विजापूर जिल्ह्यातील चडचण शहरात या शैक्षणिक वर्षात सरकारी पदवी महाविद्यालय सुरू होणार असल्याची माहिती आमदार विठ्ठल कटकधोंड यांनी दिली.

विजापूर जिल्ह्यातील चडचण शहरात आयोजित पत्रकार परिषदेत आमदार विठ्ठल कटकधोंड बोलत होते. काही रिकामटेकड्या व्यक्ती चडचणचे महाविद्यालय कन्नूर गावात स्थलांतरित होणार असल्याची खोटी बातमी सामाजिक माध्यमांवर पसरवत आहेत, ही अत्यंत खेदजनक बाब असल्याचे त्यांनी नमूद केले. चडचणमध्ये पदवी महाविद्यालय सुरू व्हावे यासाठी मुख्यमंत्री आणि प्रभारी मंत्र्यांवर दबाव आणून यंदाच्या अर्थसंकल्पात हे महाविद्यालय मंजूर करून आणले आहे. जर महाविद्यालय इतर ठिकाणी सुरू करण्याचा माझा हेतू असता, तर मी चडचणसाठी मंजुरी का आणली असती, इतके सामान्य ज्ञान तरी टीका करणाऱ्यांकडे असायला हवे होते, अशा शब्दांत आमदार विठ्ठल कटकधोंड यांनी विरोधकांचा समाचार घेतला. चडचण शहरात महाविद्यालयासाठी ५ एकर जमीन दान देणाऱ्या दात्याच्या पूर्वजांचे नाव या महाविद्यालयाला देण्यास आपण तयार असल्याचे त्यांनी स्पष्ट केले.

या पत्रकार परिषदेला चडचणचे तहसीलदार संजय इंगळे, तालुका पंचायत कार्यकारी अधिकारी अशोक राठोड, नगर पंचायत अध्यक्ष मल्लु गोत्र, उपाध्यक्ष इलाही नदाफ, इब्राहिम सौदागर, राजू कोळी, प्रकाशगौडा पाटील, देवप्पगौडा पाटील आणि चडचण ब्लॉक काँग्रेस अध्यक्ष आर. डी. हक्के उपस्थित होते.