उपमुख्यमंत्री डी.के. शिवकुमार यांनीही मुख्यमंत्री व्हावे, अशी माझी इच्छा आहे, असे विधान मंत्री झमीर अहमद खान यांनी शुक्रवारी केले.

गुरुवारी रात्री दोड्डण्णावर फार्महाऊसवर झालेल्या डिनर मीटिंगचे आमंत्रण आपल्यालाही होते, असे मंत्री झमीर अहमद खान यांनी सांगितले. ते म्हणाले की, मित्राच्या घरी गेल्यामुळे मी या स्नेहभोजनासाठी जाऊ शकलो नाही. “डी.के. शिवकुमार मुख्यमंत्री व्हावेत, अशी माझीही इच्छा आहे. मात्र, अंतिम निर्णय काँग्रेसचे हायकमांड घेईल,” असे त्यांनी स्पष्ट केले.

आमचे मत आम्ही सांगू शकतो, पण अंतिम निर्णय हायकमांडचाच असेल. आमचा पक्ष हायकमांडच्या निर्देशानुसार काम करतो, असेही त्यांनी यावेळी नमूद केले.