हुबळी तालुक्यातील चिक्कनर्ती गावात आज एका युवकाने गळफास लावून आत्महत्या केल्याची घटना घडली आहे.

फक्कीरेश हनुमंतप्पा तडसड (वय २२) याचा मृतदेह त्याच्याच घरातील वरच्या मजल्यावरील खोलीत आढळून आला. मृतदेह गळफास लावलेल्या अवस्थेत आढळला असला तरी, शरीराच्या काही भागांवर रक्ताचे डाग दिसत असल्याने या घटनेने अनेक शंकांना वाव दिला आहे. सध्या कुंदगोळ पोलिस ठाण्याच्या पोलिसांनी घटनास्थळी भेट देऊन पाहणी केली आहे. पोलिसांच्या सखोल तपासानंतरच घटनेमागील सत्य समोर येईल. मृतदेह हुबळी किम्स रुग्णालयाच्या शवगृहात पुढील तपासणीसाठी पाठवण्यात आला आहे.