सीटी रवीला किती टाके लागतील? त्यांच्या बोलण्याने माझे मन दुखावले. त्यांना कोणत्याही कारणास्तव माफ करण्याचा प्रश्नच येत नाही. मंत्री लक्ष्मी हेब्बाळकर म्हणाल्या की, जोपर्यंत सी टी रवीला शिक्षा होत नाही तोपर्यंत लक्ष्मी हेब्बाळकर स्वस्थ बसणार नाही.

त्या आज माध्यमांशी बोलत होत्या. हत्तीचे खाण्याचे दात वेगळे असतात आणि दाखवण्याचे दात वेगळे असतात , भाजप बोलते एक आणि करते दुसरे. अयोध्येत राममंदिर बांधणारे पंतप्रधान मोदी मला उत्तर द्या. रामराज्यात महिलांवर अत्याचार करण्यास परवानगी आहे का? तुमच्याच पक्षाच्या आमदारांनी सभागृहात अपशब्द वापरले. यावर तुमचे काय म्हणणे आहे? असा सवाल त्यांनी केला.

तुम्ही राजकारणात महिलांसाठी ३३ टक्के आरक्षण आणत आहात. अशा घटना घडल्या तर कोणती महिला राजकारणात उतरणार? महिलांना घाबरवलं म्हणून स्त्रिया राजकारण सोडतील असा गैरसमज करून घेऊ नका. सीटी रवी जे बोलले ते चुकीचे आहे. न्याय मिळेपर्यंत माझा लढा सुरूच राहील. याबाबत आढावा घेणार असल्याचे सभापतींनी सांगितले. आपल्याकडे आवश्यक पुरावे असून ते देऊ, असे त्यांनी सांगितले.

भाजपचे वरिष्ठ नेते राजकारणासाठी महिलेवर अत्याचार करणाऱ्याचे समर्थन करत असल्याचे धक्कादायक आहे. तोंडाने राम राम म्हणणाऱ्या भाजपवाल्यांना लाज वाटली पाहिजे . सीटी रवी याना विवेक आहे का? असा सवाल त्यांनी केला. त्यांना कोणत्याही कारणास्तव माफ करण्याचा प्रश्नच येत नाही. सी टी रवीला काय दुखापत झाली आहे? किती टाके घातले आहेत? माझ्या मनाला धक्का बसला. सीटी रवी यांना जोपर्यंत शिक्षा होत नाही तोपर्यंत लक्ष्मी हेब्बाळकर स्वस्थ बसणार नाहीत, असे ते म्हणाले.