इतके दिवस निर्भयपणे फिरणाऱ्या कर्नाटक विद्यापीठातील विद्यार्थ्यांमध्ये एका बिबट्याने भीतीचे वातावरण निर्माण केले असून, कर्नाटक विश्व विद्यालयाच्या विद्यार्थ्यांसह आजूबाजूच्या परिसरातील रहिवाशांना या बिबट्याने हैराण केले आहे.

कर्नाटक विद्यापीठाच्या कॅम्पसमध्ये फिरणाऱ्या बिबट्याने वर्गात जाणाऱ्या विद्यार्थ्यांना घाबरवले. गेल्या वीस दिवसांपासून विद्यापीठाच्या आवारात बिबट्या धुमाकूळ घालत असल्याचे दिसत आहे. येथील सुरक्षा कर्मचाऱ्यांनी बिबट्याची नजर पकडून तातडीने ही बाब विश्व विद्यालयाच्या नियामक मंडळाच्या निदर्शनास आणून दिली. कर्नाटक विद्यापीठाच्या व्यवस्थापन मंडळाने तत्काळ वनविभागाच्या अधिकाऱ्यांना कळवले.

सुरक्षा कर्मचाऱ्यांच्या माहितीवरून वनविभागाच्या अधिकाऱ्यांनी आता एकट्या बिबट्याला जेरबंद करण्यासाठी मोहीम हाती घेतली आहे. तरीही हा बिबट्या गेल्या वीस दिवसांपासून अधून-मधून विद्यापीठाच्या आवारात दिसू लागला असून विद्यार्थी हैराण झाले आहेत. याशिवाय शेजारील परिसरात बिबट्या फिरत असून एका कुत्र्याचाही मृत्यू झाल्याची माहिती सुरक्षा कर्मचाऱ्यांना मिळाली आणि या संदर्भात कर्नाटक विद्यापीठाच्या व्यवस्थापन मंडळाने ह्या परिसरात वावरण्यावर निर्बंध घातले आहेत . . सध्या वनविभागाच्या अधिकाऱ्यांनी बिबट्याला पकडण्याची कारवाई सुरु केली आहे.