सी. एल. इ. संस्थेच्या माजी विद्यार्थी संघटनेच्या वतीने २०२४ सालचा बी सी गंगाल शिक्षक पुरस्कार शिवाजी विठोबा केसरकर यांना जाहीर करण्यात आला आहे.

लठ्ठे शिक्षण संस्थेचे न्यू सेकंडरी हायस्कुलचे मुख्याध्यापक शिवाजी विठोबा केसरकर यांची या पुरस्कारासाठी निवड झाली आहे, अशी माहिती चंदरगी क्रीडा शाळेचे उपाध्यक्ष महेश भाते यांनी दिली.

चिक्कोडी परिसरातील सी एल इ शिक्षण संस्थेमध्ये बोलाविण्यात आलेल्या पत्रकार परिषदेत ते बोलत होते. ५ सप्टेंबर रोजी दुपारी १२ वाजता शिक्षक दिनाच्या निमित्ताने कार्यक्रम आणि पुरस्कार प्रदान सोहळा आयोजिण्यात आला आहे. या कार्यक्रमास डॉ. व्ही एस माळी, साहित्यिक हारुगेरी, तालिकोटी खसगतेश्वर मठाचे पूज्य श्री सिद्धलिंग देव आदींची प्रमुख उपस्थिती असणार आहे.

यावेळी युवा नेते अजय कवटगीमठ, डॉ. सुरेश उक्कली, प्रकाश चन्नवर, एस. के. कोटरे, दि. एस. कोळी, स्मिता शिंदे, डी. एस. कोटबागी, एस. एस. मेटगुड्ड आदी उपस्थित होते.