देवेगौडा कुटुंबाविरोधात आम्ही अनेक निवडणुका केल्या आहेत. देवेगौडा यांच्या विरोधात आम्ही एका महिलेला उभे करून जिंकलो आहोत, असे उपमुख्यमंत्री डीके शिवकुमार यांनी सांगितले.

बंगळुर येथील सदाशिवनगरातील आपल्या निवासस्थानाजवळ प्रसारमाध्यमांशी संवाद साधताना डीके शिवकुमार यांनी देवेगौडा कुटुंबाविरोधातील संघर्ष आमच्यासाठी नवीन नाही, असे सांगितले. भाजप आणि जेडीएसने उमेदवार उभे करण्याबाबत बोलायचे तर देवेगौडा यांच्या कुटुंबाविरोधात आम्ही अनेक निवडणुका केल्या आहेत. देवेगौडा यांच्या विरोधात आम्ही एका महिलेला निवडणूकीला उभे करून जिंकुन आणले आहे.

मी कुमारस्वामी यांच्या विरोधात निवडणूक लढवली आणि जिंकलो. 2013 च्या पोटनिवडणुकीत जेडीएस आणि भाजपने अनिता कुमारस्वामी यांना उमेदवारी दिली तेव्हा डिके सुरेश विजयी झाले. तेव्हा सिद्धरामय्या यांचे सरकार असतानाही मी मंत्री नव्हतो. ते माझ्यासाठी मोठे आव्हान होते. तरीही आम्ही बहिण अनिता कुमारस्वामी यांचा १.३० लाख मतांनी पराभव केला. नंतर लोकांनी सुरेशला सातत्याने जिंकून दिले, असे ते म्हणाले.

माजी मंत्री गोविंदा कारजोळ यांच्या चित्रदुर्गातील भाजपच्या लढतीबाबत बोलताना ते म्हणाले, त्यांच्या पक्षातील कोणालाही उभे राहू द्या. आम्ही चंद्रप्पाना मैदानात उतरवले आहे. भाजपने विद्यमान मंत्री आणि विद्यमान खासदारांना तिकीट दिलेले नाही. त्यांचा पक्ष कमकुवत आहे यात शंका नाही, असे ते म्हणाले.

निवडणुकीचा स्टार प्रचारक कोण असेल, असे विचारले असता ते म्हणाले, एआयसीसी अध्यक्ष आमचे आहेत. आम्ही राहुल गांधी, सोनिया गांधी आणि प्रियांका गांधी यांना येण्याची विनंती केली आहे. त्यांना संपूर्ण देशात प्रचार करायचा असून, त्यांच्याकडून राज्यात अनेक दिवस प्रचार करण्याची अपेक्षा आपण करू शकत नाही, असे ते म्हणाले.