भारतीय सैन्यात १५ वर्षे सैनिक म्हणून कार्यरत असलेले रायबाग तालुक्यातील बावनसौंदत्ती गावातील अशोक भापकर यांचे निधन झाले.

भारतीय लष्कराच्या 67 एमईडी रेजिमेंटमध्ये गेली 15 वर्षे सैनिक म्हणून कार्यरत असलेले 35 वर्षीय अशोक भापकर हे लष्कराच्या वतीने आयोजित क्रीडास्पर्धेत सहभागी झाले असता, दुखापत होऊन जखमी झाले होते. रुग्णालयात उपचार घेत असताना त्यांचा मृत्यू झाला. त्यांच्या पश्चात आई-वडील, पत्नी, एक मुलगा, एक मुलगी, भाऊ व आप्तपरिवार आहे.

उद्या स्वग्राम बावनसौंदत्ती येथे लष्करी सन्मानाने त्यांच्यावर अंत्यसंस्कार होणार आहेत.