माजी मुख्यमंत्री केंगल हनुमंतय्या यांचे जीवन आणि संघर्ष याविषयी माहिती देणारा ग्रंथ याचवर्षी प्रकाशित करण्यात येईल असे मुख्यमंत्री बसवराज बोम्मई यांनी सांगितले.

माजी मुख्यमंत्री केंगल हनुमंतय्या यांच्या 115 व्या जयंतीनिमित्त त्यांच्या प्रतिमेला पुष्पहार अर्पण करून अभिवादन केल्यानंतर मुख्यमंत्री बसवराज बोम्मई यांनी प्रसारमाध्यमांशी संवाद साधला. ते म्हणाले, कर्नाटकचे दुसरे मुख्यमंत्री दूरदृष्टीचे नेते, केंद्रीय रेल्वे मंत्री, ज्यांनी कर्नाटकाच्या एकीकरणात महत्त्वाची भूमिका बजावली त्या आज केंगल हनुमंतय्या यांना त्यांच्या जयंतीनिमित्त संपूर्ण कर्नाटकच्या वतीने श्रद्धांजली वाहतो.

हनुमंतय्या यांचे चरित्र संकलित करून अधिकृत पुस्तक तयार करून या वर्षी त्याचे प्रकाशन केले जाईल. केंगल हनुमंतय्या यांचा पुतळा रामनगरात उभारण्यात येत आहे. लवकरात लवकर या पुतळ्याचे अनावरण केले जाईल. बेंगळुरू-म्हैसूर मार्गावरील महत्त्वाच्या ठिकाणी त्यांचा पुतळा उभारण्याचा प्रस्ताव बीबीएमपीमध्ये आहे. त्याला तत्काळ सहमती दिल्यानंतर या वर्षीच काम सुरू करण्यात येणार आहे. केंगल हनुमंतय्या यांचे स्मारक स्मृती उद्यान म्हणून विकसित करण्याचा निर्णय घेण्यात आला आहे. त्यासाठी आवश्यक ते अनुदानही दिले जाईल. त्यांची स्मृती कायम राहील.

कर्नाटक राज्याच्या स्थापनेसाठी सर्व कन्नड भाषिक लोकांना एकत्र करणाऱ्या नेत्यांपैकी केंगल हनुमंतय्या हे एक आहेत.म्हैसूर लोकप्रतिनिधी ते विधानसभेचे सदस्य, लोकसभा सदस्य होते. त्यांनी कर्नाटकच्या सुरुवातीच्या राजकारणात अतिशय महत्त्वाची भूमिका बजावली. त्यांनी कर्नाटकच्या सर्वांगीण विकासासाठी व्हिजन डॉक्युमेंट दिले आणि कर्नाटकच्या विकासाचा भक्कम पाया घातला असे ते म्हणाले.

कर्नाटकची राजधानी इतकी सुंदर उभी राहण्याचे कारण म्हणजे विधानसौध. एखाद्या मिशनप्रमाणे त्यांनी चिकाटी ठेवली होती. अत्याधुनिक तंत्रज्ञान नसताना केंगल हनुमंतय्या यांनी सर्वात भव्य बांधकाम केल्याची आठवण मुख्यमंत्र्यांनी सांगितली.