झारखंडमधील गिरिडी जिल्ह्यातील जैन धर्मियांच्या प्राचीन तीर्थंकरांचे पवित्र स्थान असलेल्या श्री सम्मेद शिखरजी क्षेत्राचे जतन करण्याच्या मागणीसाठी संपूर्ण जैन समाजाच्या वतीने विजापूर शहरात निदर्शने करण्यात आली.

जैन समाजाचे योगदान मोठे आहे. अहिंसेचा उपदेश अनादी काळापासून होत आला आहे. श्री सम्मेद शिखरजी हे सर्वात पवित्र आणि प्राचीन स्थान आहे जिथे या तत्वज्ञानाचा उपदेश करणार्या 24 पैकी 20 तीर्थंकरांना त्यांच्या महान ऋषीमुनींसह मोक्ष मिळाला. मात्र, तेथील पर्यटन विभागाने हे ठिकाण पर्यटनस्थळ म्हणून विकसित करण्यास परवानगी दिली आहे. हे क्षेत्र अपवित्र बनणार आहे कारण यामुळे मौजमजा करण्याची संधी मिळणार आहे. त्यामुळे झारखंड सरकारने हा आदेश मागे घ्यावा अशी मागणी यावेळी करण्यात आली .

जिल्हा सकल जैन संघाच्या वतीने बुधवारी विजापूर शहरातील जिल्हाधिकारी कार्यालयासमोर ठिय्या आंदोलन करण्यात आले. श्री सम्मेद शिखरजी तीर्थ हे जैन धर्माचे पवित्र तीर्थक्षेत्र असून झारखंड सरकारने हे पर्यटन बनवण्याची घोषणा केली आहे. हे निषेधार्ह असल्याचे सांगत त्यांनी सरकारच्या विरोधात जोरदार घोषणाबाजी करत संताप व्यक्त केला. तसेच या निर्णयामुळे आपला समाज आणि धर्म दुखावला गेला आहे. झारखंड सरकारने हा निर्णय त्वरित मागे घ्यावा, या मागणीचे निवेदन त्यांनी जिल्हाधिकाऱ्यांमार्फत राष्ट्रपतींना दिले.