वाहन तपासणीसाठी अचानक थांबविल्याने दुचाकी पडल्यामुळे ज्येष्ठ नागरिकाचा वाहतूक पोलिसांशी वाद झाल्याची घटना घडली. यावेळी वाहतूक पोलिसांच्या छळाबद्दल त्यांनी कमालीचा संताप व्यक्त केला.

होय, बेळगावमधील आरटीओ सर्कलजवळ आज गुरुवारी वाहतूक पोलिस वाहनांची तपासणी करत होते. यावेळी समोरून येणारी एक दुचाकी त्यांनी थांबवली. अचानक दुचाकी थांबवल्याने दुचाकीचालकाचे नियंत्रण सुटले आणि दुचाकी खाली पडली. त्यामुळे संतप्त झालेल्या दुचाकीस्वाराची आणि वाहतूक पोलिसांशी जोरदार वादावादी झाली.

दुचाकीचालक वीरभद्रनगर जेल कॉलनीतून कामानिमित्त न्यायालयात जात होते. त्यावेळी वाहतूक पोलिसांनी अचानक दुचाकी थांबविल्याने हा अपघात झाला. दुचाकीवरील औषधे, हेल्मेट, कागदपत्रे रस्त्यावर विखुरली होती. यावेळी बोलताना दुचाकीस्वाराने सांगितले की, मी कागदपत्रे तपासणीला अडथळा आणला नाही. मी दंड भरेन असे सांगितले. पण एकदा ते दोन हजार म्हणतात, पुन्हा ते 8 हजार म्हणतात. किती रक्कम भरायची ती नेमकी रक्कम तर सांगितली पाहिजे ना. आता गाडी सोडून जा म्हणत आहेत. मी आजारी आहे. मला चालता येत नाही पण ते मला गाडी देत नाहीत. माझ्याकडे सर्व कागदपत्रे आहेत. मीही तुरुंग विभागाचा कर्मचारी आहे. मात्र, त्यांनी माझ्यावर असे वर्तन करून दुचाकी फोडल्याचा आरोप त्यांनी केला.

दुसर्‍या दुचाकीस्वाराने सांगितले की, वाहतूक पोलिसांनी माझी गाडी पकडली, तब्बल साडेआठ हजारांचा दंड ठोठावला आहे. आम्ही काम करून राबून खातो. आता मी पाच हजार भरेन, दंडाचे बाकीचे पैसे हप्त्याने देतो, असे सांगूनही पोलिसांनी माझ्यावर बळजबरी करून माझी गाडी उचलून नेली अशी तक्रार त्याने केली.

एकंदर वाहतूक पोलिसांच्या त्रासाला लोक कंटाळले असून प्रत्येकाच्या वाहनावर 10, 20 हजार रुपयांचा दंड वसूल केला जातो. दुचाकी अशाप्रकारे अचानक थांबवून अरेरावी केल्याने एखादी जीवितहानी झाल्यास त्याला जबाबदार कोण, असा सवाल नागरिक विचारत असल्याचे यावेळी दिसून आले.