जंगलात खूप फुले आहेत. पण सगळ्या फुलांना सुगंध असतोच असे नाही. तसेच काही मोजक्या काव्यसंग्रहांमध्येच सत्वगुण असतात असे प्रतिपादन गदग डंबळ मठाचे डॉ. तोंटद सिद्धराम स्वामीजी यांनी केले.

जिल्हा लेखिका संघातर्फे बेळगावातील कन्नड साहित्य भवन येथे बुधवारी आयोजित कार्यक्रमात गदग डंबळ मठाचे डॉ. तोंटद सिद्धराम स्वामीजी यांच्या हस्ते गौरी कर्की लिखित ‘न ही दैनम न ही पलायनम’ आणि भारती कोरे लिखित ‘शारदाप्रभा’ या पुस्तकांचे प्रकाशन करण्यात आले. त्यानंतर बोलताना ते म्हणाले की, गेल्या 20 वर्षांत अनेक काव्यसंग्रह येत आहेत. काव्यसंग्रहाचा एक मोठा पूर वाहतोय. पण सर्वच काव्यसंग्रहात सत्व नसते. फारच कमी काव्य संकलनात सत्व असते. एक प्रकारची शक्ती, क्षमता असते असे ते म्हणाले.

यावेळी साहित्यीक भारती मठद यांनी पुस्तक परिचय करून दिला. त्यांनी अतिशय अर्थपूर्ण कविता लिहिल्या आहेत. हे वाचताना मला असे वाटते की या सर्व माझ्या भावना, माझ्या आयुष्यात घडलेल्या घटना किंवा मला जाणवलेले विचार आहेत. सामाजिक, आंतरिक भावना, वेदना कशा सोडवता येतील, देश यासह विविध विषयांवर त्यांनी कविता लिहिल्या आहेत. बाइट
शारदाप्रभा (चरित्र) पुस्तकाचा परिचय करून देताना व्याख्याते प्रा. शशिकांता तारदाळे म्हणाले की, कृष्णा नदीच्या काठावरील एक प्रसिद्ध छोटेसे गाव, कोरे यांचे घराणे दान, धर्म, त्याग आणि संघर्षासाठी त्या गावात प्रसिद्ध होते. त्यांचे सर्व धर्मांशी अतूट नाते होते. त्याशिवाय आजूबाजूच्या 30 गावांचे ते सत्ताधारी कुटुंब होते. विजापूर जिल्ह्यातील सिंदगी हे त्यांचे मूळ होते. तेथून चिक्कोडी तालुक्यातील एका गावात येऊन ते व्यवसायाचे केंद्र बनवले असे त्यांनी स्पष्ट केले.

यावेळी ज्येष्ठ लेखिका हमीदा बेगम देसाई यांनी, ‘न ही दैनम न ही पलायनम’ या कृतीचा परिचय करून दिला. कार्यक्रमाच्या अध्यक्षस्थानी लेखिका संघाच्या जिल्हाध्यक्षा जयशीला ब्याकोड होत्या. ज्येष्ठ साहित्यिक डॉ. गुरुदेवी हुलेप्पनवरमठ प्रमुख पाहुण्या म्हणून उपस्थित होत्या. यावेळी उपाध्यक्षा प्रा.विजयालक्ष्मी पुट्टी, खजिनदार प्रतिभा काखीमठ, लेखिका सुनंदा एम्मी, आशा यमकनमर्डी, ज्योती माळी, ज्योती बदामी आदी उपस्थित होते.