जनसंघाचे संस्थापक डॉ. श्यामाप्रसाद मुखर्जी यांच्या जयंतीनिमित्त भाजपतर्फे आठवडाभर वृक्षारोपणाचा कार्यक्रम हाती घेण्यात आला आहे. या अंतर्गत मंगळवारी भाजप महिला मोर्चातर्फे हिंडलगा येथे वृक्षारोपण करण्यात आले.: बेळगाव भाजप महिला मोर्चा उपाध्यक्षा डॉ. सोनाली सरनोबत यांच्या नेतृत्वाखाली विठ्ठल-रुक्मिणी मंदिर, वैकुंठधाम आणि रुद्रभूमी याठिकाणी वृक्षारोपण करण्यात आले. विविध प्रकारची रोपे यावेळी लावण्यात आली. यावेळी भाजप महिला मोर्चाच्या नेत्या ज्योती कुलकर्णी, चेतना अगसगेकर, ग्राम पंचायत सदस्य, भाजप पदाधिकारी उपस्थित होते.