कनिष्ठ वकील प्रवीण आणि त्यांच्या कुटुंबीयांवरील हल्ल्याच्या निषेधार्थ विजापुरात वकिलांनी आंदोलन सुरू केले आहे. उपमहापौरांच्या पतीच्या अटकेसह संबंधित अभियंत्याच्या निलंबनाची मागणी करत जिल्हा वकील संघटनेचे अहोरात्र धरणे आंदोलन दुसऱ्या दिवशीही सुरू आहे.

विजापूर जिल्हा न्यायालयाजवळील कोर्ट सर्कल परिसरात वकिलांनी रस्त्यावर तंबू उभारून धरणे आंदोलन सुरू केले आहे. प्रवीण आणि त्यांच्या कुटुंबीयांवरील हल्ल्याचा निषेध करत महानगरपालिका प्रशासनाविरोधात घोषणाबाजी करण्यात आली.

महानगरपालिकेचे कनिष्ठ अभियंता अनिल राठोड यांच्या पत्नीने आपल्या घरी काम करणाऱ्या प्रवीण यांच्या पत्नीचे अश्लील व्हिडिओ चित्रित केल्याचा आरोप आहे. याबाबत प्रवीण यांनी जाब विचारल्यानंतर उपमहापौर सुमित्रा जाधव यांचे पती राजू जाधव आणि अभियंता अनिल राठोड यांनी प्रवीण यांच्या घरी जाऊन त्यांच्यासह कुटुंबीयांना मारहाण केल्याचा आरोप वकिलांनी केला आहे.

या प्रकरणी राजू जाधव, अनिल राठोड आणि त्यांच्या पत्नीविरोधात गुन्हा दाखल झाला आहे. मात्र, मुख्य आरोपी राजू जाधव अद्याप फरार असल्याने त्यांच्या अटकेची मागणी वकिलांनी केली आहे. तसेच अनिल राठोड यांच्या निलंबनाची मागणीही करण्यात आली आहे. मागण्या मान्य होईपर्यंत आंदोलन मागे घेणार नसल्याची भूमिका वकिलांनी घेतली आहे.

विजयकुमार सारवाड इन न्यूज, विजापूर