खानापूर तालुक्यातील बीडी ग्रामपंचायत कार्यालयात नियमबाह्यपणे खाजगी संस्थेला शिबिर आयोजित करण्यास परवानगी दिल्याप्रकरणी पंचायत विकास अधिकारी (पीडीओ) मंजुनाथ राठोड यांना नोटीस बजावण्यात आली आहे.

ग्रामपंचायत कार्यालयात खाजगी व्यक्तींना अध्यक्षांच्या आणि पीडीओंच्या खुर्चीवर बसू दिल्याचे समोर आले होते. सरकारी कचेरीच्या अवमानाबाबत वृत्त प्रसिद्ध होताच तालुका पंचायत कार्यरत अधिकारी (ईओ) रमेश मेत्री यांनी या घटनेची दखल घेतली.

कार्यालयाची प्रतिष्ठा राखण्यात अपयशी ठरल्याबद्दल पीडीओंना तातडीने हजर राहून लेखी स्पष्टीकरण देण्याचे निर्देश देण्यात आले आहेत. खुलासा अस समाधानकारक नसल्यास सेवा नियमांनुसार शिस्तभंगाची कारवाई करण्याचा इशारा देण्यात आला आहे.