महाराष्ट्रातील तुळजापूर येथील आई तुळजाभवानी मंदिराच्या खजिन्यात २५३ किलो सोने, ४,५२३ किलो चांदी आणि १७ संस्थानांची दुर्मिळ ऐतिहासिक नाणी असल्याचे समोर आले आहे.

माहिती अधिकारात समोर आलेल्या माहितीनुसार, विविध संस्थानांचे राजे आणि भक्तांनी अर्पण केलेल्या दागिन्यांमध्ये सोन्याच्या पादूका, मुकुट आणि हिरे-माणकांनी जडवलेले अनेक आभूषणे समाविष्ट आहेत.

या खजिन्यात छत्रपती शिवाजी महाराजांच्या काळातील सोन्याच्या मोहरांचा हार आणि ७१ प्रकारची ऐतिहासिक नाणी जतन करण्यात आली आहेत. हा संग्रह जुन्या राजघराण्यांची भक्ती आणि परंपरेची साक्ष देतो.

पिढ्यानपिढ्या भक्तांनी श्रद्धापूर्वक अर्पण केलेल्या या अमूल्य देणगीमुळे मंदिराचे धार्मिक वैभव आणखी वाढले असून, हा खजिना ऐतिहासिक परंपरेचा एक महत्त्वाचा भाग मानला जात आहे.

विजयकुमार सारवाड
इन् न्यूज
विजापूर