कलबुर्गी येथे उच्च न्यायालयासमोर बसवलेला माजी मुख्यमंत्री सिद्धरामय्या यांचा पुतळा महापालिका अधिकाऱ्यांनी हटवल्याच्या निषेधार्थ विजापूर शहरात अहिंदा संघटनेच्या वतीने भव्य निदर्शने करण्यात आली.

या वेळी आंदोलकांना संबोधित करताना अहिंदा संघटनेचे नेते सोमनाथ कळिमनी यांनी महापालिका प्रशासनाच्या कारवाईवर तीव्र शब्दप्रहार केले. राज्याला अनेक लोककल्याणकारी योजना देणाऱ्या महान नेत्याचा पुतळा हटवून सिद्धरामय्या यांचा अवमान करण्यात आला आहे. ही कारवाई करणाऱ्या महापालिका अधिकाऱ्यांना तात्काळ निलंबित करावे, अशी मागणी त्यांनी केली.

त्याच ठिकाणी पुन्हा पुतळा बसवण्यात यावा, अन्यथा आगामी काळात राज्यव्यापी आंदोलन छेडले जाईल, असा इशारा सोमनाथ कळिमनी यांनी दिला.