विजापूर जिल्ह्यातील बसवनबागेवाडी तालुक्यातील टक्कळकी येथील मुरारजी देसाई निवासी शाळेला समाजकल्याण विभागाचे उपसंचालक महेश पोतदार यांनी भेट देऊन शैक्षणिक उपक्रम आणि मूलभूत सुविधांची पाहणी केली.

यावेळी त्यांनी विद्यार्थ्यांशी संवाद साधून शिक्षक नियमित उपस्थित राहतात का, याची माहिती घेतली. विद्यार्थ्यांनी शाळेत चित्रकला शिक्षकांची कमतरता असल्याचे सांगितले.

विद्यार्थ्यांच्या समस्येची दखल घेत महेश पोतदार यांनी लवकरच चित्रकला शिक्षकाची नियुक्ती करण्याचे आश्वासन दिले. त्यानंतर विद्यार्थ्यांना ट्रॅकसूटचे वाटप करण्यात आले.

यावेळी शाळेचे प्राचार्य जी. के. वालिकार, वॉर्डन शिवाजी चव्हाण, बीबी लालसिंगी, एस. के. यळमेली, किशोर बजंत्री, शिवानंद चनगोंड, सुरेखा चलवादी, लक्ष्मी पी., मालांबी तुंबरगी यांच्यासह शाळेतील कर्मचारी उपस्थित होते.