चिकोडी तालुक्यातील येडूर गावाचे रहिवासी असलेले आणि सध्या मुडलगी विभागातील दुरदुंडी येथील सरकारी प्राथमिक शाळेत सहशिक्षक म्हणून कार्यरत असलेले गणपती कृष्णा उप्पार यांची जिल्हास्तरीय आदर्श शिक्षक पुरस्कारासाठी निवड झाली आहे.

यापूर्वी त्यांनी कल्लोळी येथे सीआरसी म्हणून उत्कृष्ट काम केले होते. त्यांनी सीआरसी केंद्राला एक आदर्श केंद्र बनवले होते. त्यांच्या या योगदानामुळे तसेच शिक्षक म्हणून केलेल्या उत्कृष्ट कार्याची दखल घेऊन त्यांना यावर्षी जिल्हा पंचायतीकडून आदर्श शिक्षक पुरस्कार जाहीर करण्यात आला आहे. उद्या, ५ सप्टेंबर रोजी चिक्कोडी येथील परटिनागलिंगेश्वर सभागृहात होणाऱ्या शिक्षक दिनाच्या कार्यक्रमात त्यांना हा पुरस्कार प्रदान करण्यात येईल.