चिक्कोडी तालुक्यातील खडकलाट गावामध्ये युवा कन्नड जागृती संघ, कर्नाटक रक्षणा वेदिका आणि कन्नड साहित्य परिषद यांच्या संयुक्त विद्यमाने गावातील प्रत्येक दुकान व आस्थापनांमध्ये कन्नड भाषेची जाणीव निर्माण करण्यात आली. कन्नड नामफलक सक्तीने लावलेल्या दुकान मालकांना गुलाब फुल देऊन त्यांचे आभार मानण्यात आले. अजूनही कन्नड नामफलक न लावलेल्या दुकानदारांनाही गुलाब देऊन, येत्या आठवड्याच्या आत कन्नड नामफलक सक्तीने लावण्याची विनंती करण्यात आली. “कर्नाटकात कन्नडच सर्वोच्च आहे, प्रशासनाचे सर्व फलक, कागदपत्रे ही कन्नड भाषेत असली पाहिजेत” असा संदेश देण्यात आला.

यानंतर ग्रामपंचायतीला भेट देऊन ९०% कन्नड फलक आधीच लावल्याबद्दल अधिकार्यां ना पुष्प देऊन गौरवण्यात आले आणि उर्वरित १०% लवकरात लवकर पूर्ण करण्याची विनंती केली.  त्यानंतर स्थानिक आमदारांच्या आदर्श शासकीय कन्नड शाळेला भेट देऊन, शाळेच्या प्रगतीबद्दल धन्यवाद देण्यात आले. शाळेच्या परिसरात व प्रवेशद्वारांवर कन्नड फलक सक्तीने लावण्याची मागणी करण्यात आली.

या प्रसंगी करवे चिक्कोडी तालुकाध्यक्ष संजू बडिगेर, उपाध्यक्ष संतोष पूजारी, माहिती अधिकार कार्यकर्ता चंद्रकांत हुक्केरी, निपाणी कन्नड साहित्य परिषद सचिव मुलांची साहित्य परिषद अध्यक्ष मिथुन अंकली, युवा कन्नड जागृती संघाचे अध्यक्ष शिवराज कूट, खडकलाट करवे अध्यक्ष शंकर अवदखान, शमनेवाडी करवे अध्यक्ष मंजू भानुसे, युवा कन्नड संघ उपाध्यक्ष बाहुबली मगदुम्म, करवे उपाध्यक्ष प्रशांत परिट, सचिव आकाश विजयनगर, खजांची मल्लप्पा पूजारी, कन्नड संघटक विठ्ठल अवदखान, सूरज संकाजे, राजू संकाजे, मंजू राणगे, शिवू मडिवाळ, चेतन धात्रे यांच्यासह खडकलाट, चिक्कोडी, शिरगाव येथील करवे पदाधिकारी उपस्थित होते.