चिक्कोडी जवळील नणदिवाडी गावाजवळ लॉरी आणि बाईकची भीषण धडक होऊन एकसंबा येथील ज्येष्ठ रंगभूमी कलावंत गणेश शंकर मोपगार (वय ६३) यांचा अपघाती मृत्यू झाला.

केएसआरटीसीचे निवृत्त बस वाहक आणि सामाजिक कार्यकर्ते असलेले गणेश मोपगार हे वैयक्तिक कामासाठी चिक्कोडीला जात असताना नणदिवाडी येथील टाईल्स दुकानाजवळ हा अपघात घडला. डोक्याला गंभीर दुखापत झाल्याने उपचारासाठी रुग्णालयात नेत असताना वाटेतच त्यांची प्राणज्योत मालवली.

या प्रकरणी सदलगा पोलीस ठाण्यात गुन्हा दाखल करण्यात आला असून पोलीस पुढील तपास करत आहेत. त्यांच्या पश्चात पत्नी, दोन मुले, एक मुलगी आणि मोठा परिवार आहे.