शहर स्वच्छ ठेवणाऱ्या स्वच्छता कर्मचाऱ्यांचे आरोग्य आणि संरक्षण ही सर्वांची जबाबदारी आहे. याच पार्श्वभूमीवर मुसळधार पावसातही अखंड सेवा देणाऱ्या कर्मचाऱ्यांच्या मदतीसाठी लोकप्रतिनिधी पुढे आले असून, त्यांना रेनकोटचे वाटप करून सहकार्याचा हात पुढे केला आहे.

शहराच्या स्वच्छतेची धुरा सांभाळणाऱ्या कर्मचाऱ्यांच्या हितासाठी पावसाळ्याच्या पार्श्वभूमीवर रेनकोट वाटपाचा कार्यक्रम पार पडला. माजी उपमहापौर आणि ३३ व्या वॉर्डच्या नगरसेविका रेश्मा प्रवीण पाटील, ३४ व्या वॉर्डचे नगरसेवक श्रेयस नाकडी, भाजप कार्यकारी समिती सदस्य व समाजसेवक प्रवीण पाटील आणि सर्व वॉर्ड प्रभारींच्या उपस्थितीत प्रत्येक स्वच्छता कर्मचाऱ्याला रेनकोट देऊन सन्मानित करण्यात आले.

नैसर्गिक संकटे आणि प्रतिकूल हवामानातही जनतेच्या आरोग्यासाठी रात्रंदिवस काम करणाऱ्या या कर्मचाऱ्यांची काळजी घेणे हे आपले आद्य कर्तव्य आहे, असे मत यावेळी लोकप्रतिनिधींनी व्यक्त केले.