बेळगाव येथील मुचंडी रस्त्यावरील कचरा समस्येमुळे नागरिक त्रस्त झाले आहेत. मुतगा ग्रामपंचायतीने रस्त्यावर टाकलेल्या कचऱ्यामुळे या भागातून ये-जा करणाऱ्या शेतकरी आणि इतर प्रवाशांना तीव्र दुर्गंधीचा सामना करावा लागत आहे. ग्रामपंचायतीचे या समस्येकडे संपूर्ण दुर्लक्ष होत असल्याने, स्थानिक नागरिक आणि परिसरातील रहिवाशांनी तीव्र संताप व्यक्त केला आहे.

मुतगा ग्रामपंचायतीने रस्त्यावर टाकलेला कचरा मोठ्या प्रमाणावर साचला आहे. या रस्त्यावरून मोठ्या संख्येने नागरिक तसेच शेतकरी ये-जा करत असतात. या कचऱ्याच्या ढिगाऱ्यातून येणाऱ्या तीव्र दुर्गंधीमुळे प्रवाशांचे आरोग्य धोक्यात आले आहे.

ग्रामपंचायतीचे या गंभीर समस्येकडे जाणीवपूर्वक दुर्लक्ष होत असल्याचे सर्व नागरिकांना स्पष्टपणे दिसत आहे. त्यामुळे या परिसरातील आणि गावातील नागरिकांनी ग्रामपंचायतीच्या कारभारावर तीव्र संताप व्यक्त केला आहे.

या साचलेल्या कचऱ्यामुळे परिसरात रोगराई पसरण्याची भीती वाढली आहे. “जर या कचऱ्यामुळे परिसरातील कोणाच्या जीवाला काही बरे-वाईट झाले, तर त्याची भरपाई ग्रामपंचायत देणार का?” असा थेट सवाल येथील संतप्त नागरिकांनी विचारला आहे. ग्रामपंचायतीने तातडीने या समस्येची दखल घेऊन कचऱ्याची योग्य विल्हेवाट लावावी, अशी मागणी जोर धरू लागली आहे.