बेळगाव दक्षिणचे आमदार अभय पाटील यांचे स्वप्न असलेल्या जेष्ठ नागरिकांसाठीच्या मनोरंजन केंद्राचे आज लोकार्पण करण्यात आले. बेळगाव दक्षिण क्षेत्रातील निसर्गरम्य वॅक्सीन डेपो परिसरातील आरोग्य विभाग कार्यालयाच्या मागील बाजूस आमदार अभय पाटील यांनी जेष्ठ नागरिक मनोरंजन केंद्राचे उद्घाटन केले .

या वेळी बोलताना उपमहापौर आनंद चौहान यांनी आमदार अभय पाटील यांच्या कार्याचे कौतुक केले. त्यांनी म्हटले की, “भारतामध्ये इतरत्र नसलेले, जेष्ठ नागरिकांसाठी मनोरंजन केंद्र आज बेळगाव दक्षिणमध्ये सुरु करण्यात आले आहे. याचा जेष्ठ नागरिकांनी योग्य उपयोग करून घ्यावा.”

तसेच राम भंडारी यांनी आमदार अभय पाटील यांच्या यशस्वी कार्याचे अभिनंदन केले आणि म्हटले की, “आमदार अभय पाटील यांनी वरिष्ठ नागरिकांसाठी एक आदर्श मनोरंजन केंद्र सुरु केले आहे. पक्षीं डेपोमध्ये अशा प्रकारच्या अनेक विकासकामांची सुरूवात झाली आहे. काही लोक याच्या विरोधात आहेत, परंतु विकासासाठी सर्वांनी एकत्र येऊन काम करणे आवश्यक आहे.”

तसेच, चंद्रशेखर बेम्बळगी यांनी वॅक्सीन डेपोमध्ये अर्धवट असलेल्या उद्यान कामांची पूर्णता करण्यासाठी सरकारला विनंती केली. “मुलांसाठी उपयोगी ठरेल असे उद्यान पूर्ण करण्यासाठी सरकारने आवश्यक निधी मंजूर करावा,” असे त्यांनी सांगितले.

तसेच, देशपांडे यांनी आमदार अभय पाटील यांना अभिनंदन करत, “हे मनोरंजन केंद्र जेष्ठ नागरिकांचा आवाज बनावे. जे लोक चांगले कार्य करत आहेत, त्यांना आमचा पूर्ण पाठिंबा आहे. विकासासाठी सर्वांनी विरोध न करता एकत्र काम करावे,” असे सांगितले.

याशिवाय, बेळगावच्या मॉर्निंग वॉकर्सनी नागरिक आमदार अभय पाटील यांच्या कार्याचे कौतुक करत, त्यांना कृतज्ञता व्यक्त केली. यावेळी नगरसेवक गिरीश धोंगडी आणि इतर मान्यवर उपस्थित होते.