मागील लोकसभा निवडणुकीत बेळगावमधून सतीश जारकीहोळी यांचा केवळ 2000 मतांनी पराभव झाला होता, बेळगावात काँग्रेस पक्षाचा विजय झाला पाहिजे, पक्षाने मला तिकीट दिल्यास मी त्याचे स्वागत करेन, असे सांगत मंत्रीपुत्र मृणाल हेब्बाळकर यांनी अखेर निवडणूक लढविण्याची इच्छा व्यक्त केली आहे. .

लोकसभा निवडणुका जवळ आल्याने कार्यकर्ते राज्याच्या नेत्यांच्या मदतीने आणि मतदारसंघातील जनतेच्या पाठिंब्याने पक्ष हायकमांडच्या आवारात फेऱ्या मारत आहेत. त्याचप्रकारे पुत्र मृणाल हेब्बाळकर यांना तिकीट मिळवून देण्यासाठी मंत्री लक्ष्मी हेब्बाळकर देखील प्रयत्नशील असल्याची चर्चा आहे.

या पार्श्वभूमीवर मंत्री लक्ष्मी हेब्बाळकर यांचे पुत्र मृणाल हेब्बाळकर यांना प्रसारमाध्यमांनी छेडले. त्यावेळी बोलताना मृणाल यांनी सांगितले की, मागील लोकसभा निवडणुकीत मंत्री सतीश जारकीहोळी यांचा बेळगावमधून 2000 मतांनी पराभव झाला होता, बेळगावात काँग्रेस पक्षाचा विजय झाला पाहिजे, जर पक्षाने मला तिकीट दिले, मी त्याचे स्वागत करेन.

हायकमांड व आमचे बेळगाव जिल्हा पालकमंत्री सतीश जारकीहोळी याबाबत काय तो निर्णय घेतील. काँग्रेस पक्षात सामान्य कार्यकर्त्याला संधी दिली जाते. ग्रामीण मतदारसंघातून प्रचंड बहुमत मिळवण्याचे आमचे ध्येय आहे. त्यासाठी आम्ही दौरे करत आहोत. मागील 5 निवडणुका झाल्या तेव्हा काँग्रेसचे मताधिक्य वाढले आहे. मागील लोकसभा निवडणुकीत बेळगावमधून सतीश जारकीहोळी यांचा 2000 मतांनी पराभव झाला होता. मी इतकी वर्षे पक्षात काम केले असून मतदार संघातील जनतेच्या आशीर्वादानेच सतीश जारकीहोळी हे सांगत आहेत. त्यांनी मला तिकीट दिल्यास मला खूप आनंद होईल.

एकंदर, मला काँग्रेस पक्षाचा उमेदवार म्हणून संधी दिल्यास मी आनंदाने निवडणूक लढवून विजयी होईन, अशी इच्छा मंत्री लक्ष्मी हेब्बाळकर यांचे पुत्र मृणाल यांनी व्यक्त केली आहे.