तीन महत्त्वाच्या मागण्यांसाठी आजपासून उत्तर कर्नाटक संघर्ष समितीच्या वतीने बेमुदत सत्याग्रह करणार असल्याची माहिती उत्तर कर्नाटक संघर्ष समितीचे प्रदेश सरचिटणीस नागेश गोळशेट्टी यांनी दिली.

हिवाळी अधिवेशनाच्या दुसऱ्या दिवशी उत्तर कर्नाटक संघर्ष समितीने भीमप्पा गडाद यांच्या नेतृत्वाखाली सुवर्णसौधसमोरील आंदोलनस्थळी बेमुदत आंदोलन सुरू केले.

यावेळी उत्तर कर्नाटक संघर्ष समितीचे प्रदेश सरचिटणीस नागेश गोळशेट्टी यांनी, हिवाळी अधिवेशनात स्वामीजींच्या नेतृत्वाखाली व विविध संघटनांच्या सहकार्याने 3 महत्त्वाच्या मागण्यांसाठी आजपासून अनिश्चित काळासाठी सत्याग्रह करण्याची घोषणा केली. बेळगावला दुसरी राजधानी घोषित करावे, जनतेच्या सोयीसाठी सुवर्णसौधमध्ये कार्यालये स्थलांतरित करावीत, कल्याण कर्नाटक विकास महामंडळाच्या धर्तीवर कित्तूर कर्नाटक विकास महामंडळाची स्थापना करून कृषी, साहित्य, संस्कृती, रेल्वे, आरोग्य, उद्योग, पर्यटन, चित्रपट उद्योग आणि मीडिया या सर्व क्षेत्रांच्या सर्वांगीण विकासाची जबाबदारी सरकारने घ्यावी, अशी आमची मागणी आहे, असे ते म्हणाले.

यावेळी उत्तर कर्नाटक संघर्ष समितीचे अध्यक्ष भीमप्पा गडाद आदी उपस्थित होते