विधिमंडळाच्या हिवाळी अधिवेशनाला आजपासून बेळगावात सुरुवात होत असून विरोधकांनी विचारलेल्या प्रत्येक प्रश्नाला सरकार उत्तर देण्यास तयार आहे. या अधिवेशनात उत्तर कर्नाटकच्या समस्यांवरही लक्ष केंद्रित केले जाणार असल्याचे मुख्यमंत्री सिद्धरामय्या यांनी सांगितले.

हिवाळी अधिवेशनासाठी बेळगावात आज, सोमवारी सांबरा विमानतळावर आगमन झाल्यावर प्रसारमाध्यमांशी ते बोलत होते. ते म्हणाले की, आमच्या सर्व हमी योजना गरिबांसाठीचे कार्यक्रम आहेत. पाच राज्यांच्या निवडणुकीत हमी योजना अपयशी ठरल्याबद्दलच्या पत्रकाराच्या प्रश्नाला उत्तर देताना तेलंगणात काँग्रेसने बहुमताने विजय मिळवला. मध्य प्रदेशात विजयी झालेल्या भाजपनेही हमी योजना जाहीर केल्या आहेत. निवडणुकीत विजयाची हमी देण्यासाठी काँग्रेस सरकार कधीही योजना जाहीर करत नाही. गरीबांना आर्थिक आणि सामाजिकदृष्ट्या सक्षम करण्यासाठी हे प्रामाणिकपणे राबवले जाते. आमच्या सर्व हमी योजना गरीबांसाठीचे कार्यक्रम आहेत, असे ते म्हणाले.

सरकार स्थापन होऊन सहा महिने उलटले तरी भाजपकडून विरोधी पक्षनेत्याची निवड करता आली नव्हती. विरोधकांकडे सरकारला प्रश्न करण्याची नैतिकता नाही. त्यांनी एकत्रित लढा दिला तरी सरकार त्यांच्या सर्व संघर्षासाठी तयार आहे, असे ते म्हणाले. बाइट