विशेषत: उत्तर कर्नाटकात साजरा होणारा आणि शेतकऱ्यांचा पहिला कृषी सण म्हणून प्रसिद्ध असलेला बेंदूर अमावास्येचा उत्सव मंगळवारी होणार असून त्याची जय्यत तयारी विजापूर जिल्ह्यात करण्यात आली आहे. हा आहे यासंबंधीचा अहवाल…

बेंदूर अथवा बैल पोळा म्हटल्या जाणाऱ्या अमावस्येला उद्या मातीपासून बनवलेल्या बैलजोडीची पूजा हे या सणाचे खास वैशिष्ट्य आहे. शेतकरी आपल्या जवळचा मित्र बैलजोडीची विशेष पूजा करतात आणि चांगला पाऊस आणि पिकांसाठी प्रार्थना करतात. उत्तर कर्नाटकातील शेतकर्‍यांसाठी बेंदराची अमावस्या म्हणजे उत्साह आणि आनंदाचा सण असतो. लहान मुलांपासून वृद्धांपर्यंत सर्व वयोगटातील लोक यात सहभागी होतात आणि उत्साहाने उत्सव साजरा करतात.

विजापूर शहरात पिढ्यानपिढ्या मातीच्या मूर्ती बनवणारे काळे आणि कासुंदे कुटुंबीय सध्या बैलांच्या मातीच्या मूर्ती बनवण्यात व्यस्त आहेत. शहरातील लोक घरातील देवतेच्या हिरवळीवर मातीची मूर्ती बसवतात, त्यांची पूजा आणि प्रार्थना करतात. काही ग्रामीण भागात अशीही परंपरा आहे जिथे सर्व मुले एकत्र येतात आणि गावात घरोघरी एका छोट्या टोपलीत मातीचे बैल घेऊन जातात आणि आरती करतात. तसेच या प्रसंगी महिलांनी आरती करून गोडधोड व धान्य नैवैद्य म्हणून देण्याची प्रथा आजही काही ग्रामीण भागात प्रचलित आहे. बाईट. गजानन काळे, विजापूर.

कोरोनाच्या काळात कमकुवत असलेला मूर्तिकारांचा व्यवसाय यावेळी जोरात आहे. यंदा बैलांच्या लहान मूर्ती ५० ते हजार रुपयांपर्यंत विकल्या जात आहेत. यावेळी पीओपीपासून बनवलेल्या बैलांच्या मूर्तींना मागणी अधिक आहे. बाइट: ज्ञानेश्वर कासुंदे.
एकंदर, विजापूर जिल्ह्यातील सगळी शेतकरी कुटुंबे बेंदूर अमावास्येचा सण साजरा करण्यासाठी सज्ज झाली आहेत,

शेतकऱ्यांचा खास उत्सव म्हणून ओळखला जाणाऱ्या या सणामुळे शेतकऱ्यांच्या घरात उत्सवाचे वातावरण निर्माण झाले आहे.
विजयकुमार सारवाड, इन न्यूज, विजापूर.