राज्यातील 189 जागांसाठी उमेदवार जाहीर करण्यात आले असून, बहुमताने निवडून आल्यावर भाजप सत्तेवर येईल, असा विश्वास आहे असे मुख्यमंत्री बसवराज बोम्मई यांनी सांगितले.

प्रसारमाध्यमांशी बोलताना मुख्यमंत्री बोम्मई म्हणाले की, जवळपास सर्वच मतदारसंघात एकमत झाले आहे. काही असंतुष्टांशी बोलण्याचे काम झाले आहे. लक्ष्मण सवदी यांच्याशी आपले भावनिक नाते आहे. त्यांच्या सतत संपर्कात असून, घाईघाईने निर्णय घेऊ नका असे त्यांना सांगितले असल्याचे त्यांनी सांगितले. अडचणीत असताना पक्षाने त्यांचा हात धरला. भविष्यातही त्यांचा हात धरला जाईल. त्यांच्या सन्मानाचे रक्षण करण्यासाठी चांगला निर्णय घेतला जाईल. त्याच्यापुढे चांगले भविष्य असल्याचे बोम्मई म्हणाले.

बोम्मईदेखील काँग्रेसमध्ये प्रवेश करणार होते, या सवदी यांच्या वक्तव्यावर प्रतिक्रिया देताना हा मुद्दा अप्रासंगिक आहे असे बोम्मई म्हणाले. मी माझ्या घरात एकटाच बसलो होतो. मी कोणत्याही पक्षात जात नव्हतो, माजी मुख्यमंत्री बी.एस. येडियुरप्पा, अनंतकुमार, सी. सी. पाटील, सवदी माझ्याकडे आले होते हे खरे आहे. पण मी काँग्रेसमध्ये जात नव्हतो. मला त्यावेळी कोणतीही महत्त्वाकांक्षा नव्हती असे त्यांनी सांगितले.