राज्यातील मुस्लिमांना 2A आरक्षणातून वगळण्यासाठी शासनस्तरावर गांभीर्याने विचार सुरू आहे असा नवा बॉम्ब विजापूरचे आमदार बसवराज पाटील-यत्नाळ यांनी आज फोडला.

विजापुर येथे सोमवारी प्रसारमाध्यमांशी बोलताना आमदार यत्नाळ म्हणाले की, मुस्लिमांसाठी असलेले 2A आरक्षण हटवले पाहिजे. त्यांना अल्पसंख्याक आणि 2ए या दुहेरी आरक्षणाचा फायदा होत आहे. मुस्लिमांना 2A आरक्षणातून काढून टाकण्याची तयारी यापूर्वीच सुरू झाली असून, या संदर्भात सरकार गांभीर्याने विचार करत आहे. आम्ही मुख्यमंत्र्यांनाही फेरपरीक्षण करण्यास सांगितले आहे. ज्यांना दोन्ही बाजूंनी फायदा होत आहे त्यांना काढून टाकावे आणि उर्वरित हिंदूंसाठी आरक्षण वाढवावे. याबाबत मुख्यमंत्र्यांशी चर्चा झाली आहे. जे देशविरोधी कारवाया करतात, आणि दोन्ही बाजूंना फायदा घेतात. त्यांच्या सर्व आरक्षण सुविधा रद्द कराव्यात. सरकार लवकरात लवकर कारवाई करेल, असे ते म्हणाले.

त्याच वेळी त्यांनी ब्राह्मणांना अल्पसंख्याक दर्जा देण्याबाबत यत्नाळ यांनी आवाज उठवला. ब्राह्मणांना अल्पसंख्याक दर्जा मिळायला हवा. ब्राह्मणांची संख्या फक्त २ ते ३ टक्के आहे. खरे अल्पसंख्याक ब्राह्मण आहेत. ब्राह्मणांचा अल्पसंख्याक यादीत समावेश झाला पाहिजे, ही माझी मागणी आहे. एकच वंश असलेले मुस्लिम अल्पसंख्याक कसे होऊ शकतात, असा सवाल त्यांनी केला. देशद्रोही कसे काम करता, पाकिस्तानसाठी बोलता, आता तुम्हाला आरक्षण हवे आहे? त्यांना खूप सुविधा हवी असतील तर मुस्लिमांनी पाकिस्तानात जावे, असे यत्नाळ म्हणाले.

भाजपमध्ये मुख्यमंत्री होण्यासाठी 2500 कोटी रुपये द्यावेत, या विधानावर मुख्यमंत्री चंद्रू यांनी केलेल्या आरोपाला उत्तर देताना, माझे विधान पुन्हा एकदा तपासा, मी काय म्हणालो ते आधी बघा. दिल्ली बंगलोर मध्ये काही दलाल आहेत. दलाल सर्वच पक्षात आहेत, ते कोणत्याही पक्षापुरते मर्यादित नाहीत. रामदुर्गात तिकीटाचे काही इच्छुक होते. त्यांना दिल्लीत भेटून दलालांनी 2 कोटी, 3 कोटी रुपये दिल्यास भाजपचे तिकीट देतो असे त्यांनी मला सांगितल्याचे मी म्हटले होते असे यत्नाळ म्हणाले,

त्याच वेळी, काही वृत्तवाहिन्यांनी मला बदनाम केले असे सांगत यत्नाळ म्हणाले, प्रदेश भाजप उपाध्यक्ष विजयेंद्र यांच्यासोबत मला संपवण्याचा प्रयत्न काही वाहिन्यांनी केले. विजयेंद्रनी चांगले काम करावे. आजही काही लोक मला दिल्लीहून फोन करतात. दिल्लीहून एक स्वामी फोन करतो, म्हणतो १५०० कोटी गोळा करा. ‘नड्डा से बात करेंगे, आप दिल्ली आ जाओ, पंद्रासौ करोड तयार रखो, हम मोदीजी की अपॉइंटमेंट लेकरं मिळवा देंगे’ असे सांगतो. या सगळ्यावर विश्वास ठेवू नकोस असं मी सांगितलं होतं. 30 ते 40 वर्षे काम केलेल्या आमच्यासारख्या ज्येष्ठ नेत्याची ही परिस्थिती आहे. भाजपमध्ये पैसे देणारे काही लोक आहेत, पण त्यांनी दिलेला पैसा वाया गेला आहे असा बॉम्ब यत्नाळ यांनी फोडला