Belagavi

विधान परिषद सदस्य चन्नराज हट्टीहोळी यांचा वाढदिवस साजरा

Share

बेळगावचे विधान परिषद सदस्य चन्नराज हट्टीहोळी यांचा वाढदिवस त्यांच्या निवासस्थानी साजरा करण्यात आला. सकाळपासून समर्थक, काँग्रेस कार्यकर्ते आणि मान्यवरांनी त्यांना शुभेच्छा दिल्या.

वाढदिवसानिमित्त निवासस्थानी समर्थक आणि काँग्रेस कार्यकर्त्यांनी केक कापून तसेच पुष्पगुच्छ देऊन शुभेच्छा दिल्या. यावेळी मठातील स्वामीजींनी उपस्थित राहून चन्नराज हट्टीहोळी यांच्या सामाजिक कार्याचे आणि जनतेशी असलेल्या जिव्हाळ्याच्या संबंधांचे कौतुक केले. बसवादी शिवशरणांचा आशीर्वाद त्यांना लाभो आणि त्यांची उत्तरोत्तर प्रगती होवो, अशा शुभेच्छा स्वामीजींनी दिल्या.

आमदार लक्ष्मी हेब्बाळकर यांनीही भावाच्या वाढदिवसानिमित्त त्यांना आशीर्वाद दिले. पाच बहिणींचा लाडका भाऊ असलेल्या चन्नराज यांनी प्रत्येक वेळी आपल्याला भक्कम साथ दिल्याची भावना त्यांनी व्यक्त केली. कमी वयात जबाबदारीने काम करत त्यांनी मिळवलेले यश हे जनतेचे आशीर्वाद आणि त्यांच्या आदर्श वर्तनाचे फलित असल्याचे हेब्बाळकर यांनी सांगितले. त्यांना उत्तम आयुष्य आणि आरोग्य लाभावे, त्यांची स्वप्ने पूर्ण व्हावीत तसेच भविष्यात उच्च पदावर काम करण्याची संधी मिळून समाजसेवा घडावी, अशी प्रार्थनाही त्यांनी केली.

उचगाव ब्लॉक काँग्रेस अध्यक्ष बाळू आनंद देसूरकर आणि महिला काँग्रेस अध्यक्ष गायत्री पाटील यांच्यासह विविध पदाधिकाऱ्यांनीही चन्नराज हट्टीहोळी यांना शुभेच्छा दिल्या. ग्रामीण भागातील शाळा, रस्ते आणि सर्वांगीण विकासासाठी ते सातत्याने प्रयत्नशील असतात. कार्यकर्त्यांची कामेही तत्परतेने मार्गी लावतात, असे गौरवोद्गार पदाधिकाऱ्यांनी काढले.

समर्थक आणि मान्यवरांच्या उपस्थितीत चन्नराज हट्टीहोळी यांचा वाढदिवस साजरा करण्यात आला.

Tags: