ऊसाला योग्य दर मिळावा, या मागणीसाठी सुरू असलेल्या शेतकरी आंदोलनाची तीव्रता विजापूर जिल्ह्यातही वाढली आहे. मुधोळ तालुक्यातील कवडिमट्टी येथे शेतकऱ्यांनी रस्त्यावर काटेरी फांद्या टाकून अनोख्या पद्धतीने आंदोलन केले.

राज्यव्यापी बंदला पाठिंबा देत कवडिमट्टी येथील शेतकऱ्यांनी रस्त्यावर काटेरी फांद्या पसरवून वाहतुकीला अडथळा निर्माण केला. ऊस उत्पादकांच्या मागण्यांकडे दुर्लक्ष होत असल्याचा आरोप करत त्यांनी संताप व्यक्त केला. ऊसाला न्याय्य दर निश्चित करून शेतकऱ्यांचे हित जपावे, अशी मागणी त्यांनी सरकारकडे केली. तसेच गावातील मूलभूत सुविधांच्या अभावाबाबतही प्रशासनाविरोधात नाराजी व्यक्त केली.