बागलकोट जिल्ह्यातील बीळगी शहरात आयोजित प्रजा सेवा आंदोलन कार्यक्रमात घराच्या जागेच्या मोजणीवरून मंत्र्यांसमोरच तीव्र वाद निर्माण झाला. एका माजी सैनिकाने मंत्र्यांशी एकेरी भाषेत वाद घालत अधिकाऱ्यांवरही निशाणा साधला.

बीळगी येथे जनतेच्या समस्या आणि तक्रारी ऐकून घेण्यासाठी या सभेचे आयोजन करण्यात आले होते. यावेळी घराच्या जागेच्या मोजणीच्या प्रश्नावरून माजी सैनिक लालसाब बडेकनवर यांनी संताप व्यक्त करत थेट मंत्र्यांशीच वाद घातला.

यावेळी लालसाब बडेकनवर यांनी उपस्थित शासकीय अधिकाऱ्यांशीही जोरदार बाचाबाची केली. वाद वाढल्याने अत्यंत क्रोधात आलेल्या माजी सैनिकाची समजूत काढताना पोलिसांना व अधिकाऱ्यांना मोठी कसरत करावी लागली.