बेळगाव येथील शिवबसवनगरमधील कारंजीमठाच्या शिवानुभव मंटपात सोमवार, ५ ऑक्टोबर रोजी सायंकाळी ६ वाजता ३०४ व्या शिवानुभव कार्यक्रमाचे आयोजन करण्यात आले आहे.

या सोहळ्याचे सान्निध्य पूज्य श्री गुरुसिद्ध महास्वामीजी भूषवणार आहेत. हुक्केरी विरक्तमठाचे श्री शिवबसवा महास्वामीजी हे हानगल कुमार शिवयोगी यांचे जीवनकार्य आणि समाजासाठीचे योगदान या विषयावर अनुभाव प्रवचन देणार आहेत. लिंगराज कॉलेजचे निवृत्त प्राचार्य प्रा. एम. एस. इंचल हे कार्यक्रमाच्या अध्यक्षस्थानी असणार आहेत.

कर्नाटक प्रेस क्लबतर्फे २०२६ चा राज्यस्तरीय ‘शिक्षण सेवा रत्न’ पुरस्कार प्राप्त झाल्याबद्दल किरण चौगुले यांचा श्रीमठाच्या वतीने सत्कार करण्यात येणार आहे. कार्यक्रमाची सुरुवात कारंजीमठाच्या कुमारेश्वर संगीत पाठशाळेच्या मुलांच्या प्रार्थनेने होईल, अशी माहिती श्रीमठाच्या प्रसिद्धीपत्रकातून देण्यात आली आहे.