विश्वेश्वरय्या तंत्रज्ञान विद्यापीठाच्या (व्हीटीयू) २६ व्या पदवीदान समारंभात राज्यपाल थावरचंद गेहलोत यांनी विद्यार्थ्यांना नोकरी शोधण्याऐवजी रोजगार निर्माण करण्याचे आवाहन केले.

बेळगाव येथील ‘ज्ञान संगम’ प्रांगणातील डॉ. ए.पी.जे. अब्दुल कलाम सभागृहात व्हीटीयूचा २६ वा पदवीदान सोहळा पार पडला. या वेळी बोलताना राज्यपाल थावरचंद गेहलोत यांनी विद्यार्थ्यांनी मिळालेल्या ज्ञानाचा वापर देशसेवेसाठी करावा आणि स्टार्टअप्सच्या माध्यमातून रोजगाराच्या संधी निर्माण कराव्यात असे सांगितले. तसेच उपमुख्यमंत्री डॉ. जी. परमेश्वर यांनी विद्यार्थ्यांच्या यशात शिक्षक आणि पालकांचे योगदान अत्यंत महत्त्वाचे असल्याचे स्पष्ट केले. या सोहळ्यात डॉ. सबिता राममूर्ती, डॉ. एम. पी. श्याम आणि प्रा. टी. जी. सीताराम यांना मानद ‘डॉक्टर ऑफ सायन्स’ पदवी प्रदान करण्यात आली. या प्रसंगी मंत्री बसवराज रायरेड्डी, कुलगुरू प्रा. एस. विद्याशंकर, कुलसचिव प्रा. प्रसाद रामपुरे यांच्यासह अनेक मान्यवर उपस्थित होते.