शिक्षक दिन आणि श्रीकृष्ण जन्माष्टमी निमित्त बेळगावातील महांतेश नगर येथील ब्रह्मकुमारीज मुख्य केंद्रात भक्ती, ज्ञान आणि सांस्कृतिक वैभवाचा संगम पाहायला मिळाला.सकाळी ७ वाजता बाबा मुरली झाल्यानंतर ८ वाजता कार्यक्रमाला सुरुवात झाली. ब्रह्मकुमारीजच्या प्रादेशिक प्रमुख राजयोगिनी आदरणीय अंबिका अक्का यांनी श्रीकृष्णाच्या प्रतिमेचे पूजन करून कार्यक्रमाचे उद्घाटन केले. यावेळी त्यांनी समाज घडवण्यात शिक्षकांचे महत्त्व आणि जगाचा स्वामी असलेल्या श्रीकृष्णाच्या आदर्शांबद्दल सविस्तर मार्गदर्शन केले.राजयोगिनी आदरणीय अंबिका अक्का यांचा विशेष संदेश:

कार्यक्रमाच्या उद्घाटनानंतर बोलताना अंबिका अक्का म्हणाल्या, “शिक्षक हे फक्त धडे शिकवणारे नसतात, तर ते समाजाचा पाया रचणारे खरे निर्माते असतात. श्रीकृष्णाचे जीवन आपल्याला निष्ठा, न्याय, निस्वार्थ सेवा आणि प्रेमाचे आदर्श शिकवते. आजच्या युवापिढीला शिक्षकांचे मार्गदर्शन आणि कृष्णाचे शिकवण दोन्हीची गरज आहे. शिक्षकांनी मुलांमध्ये मूल्ये रुजवली तर ती मुले समाजाला प्रकाशमान करतील. श्रीकृष्णाने आपल्या जीवनातील प्रत्येक क्षण धर्म, कर्तव्य आणि प्रेमाने भरला होता. त्याचप्रमाणे शिक्षकांनी आपल्या ज्ञानाच्या प्रकाशाने विद्यार्थ्यांचे जीवन उजळले पाहिजे. ईश्वरीय ज्ञानाच्या आधारे दिलेले शिक्षण हे केवळ विद्या नाही, तर आत्मोन्नतीचा मार्ग आहे. म्हणून प्रत्येक शिक्षकाने आधी स्वतःमध्ये परिवर्तन घडवून समाजासमोर आदर्श ठेवला पाहिजे. आज आपण शिक्षकांचा सन्मान करत आहोत, तो केवळ सन्मानासाठी नाही, तर त्यांच्या त्याग, परिश्रम आणि प्रेमाची आठवण ठेवण्यासाठी. श्रीकृष्णाच्या आदर्शांचे पालन करून आपण सर्वांनी आपले कर्तव्य निष्ठेने पार पाडूया.”शिक्षकांचा सन्मान:

“शिक्षक हेच खरे देशाचे निर्माते” या ध्येयाने ईश्वरीय विश्वविद्यालयाच्या गुरुमाता आणि शहरातील इतर शाळा-महाविद्यालयांमध्ये सेवा बजावणाऱ्या शिक्षकांचा सन्मान करून गौरव करण्यात आला.जन्माष्टमी विशेष:
कार्यक्रमात मुलांनी श्रीकृष्ण आणि रुक्मिणीच्या वेशात नृत्य आणि गायन सादर केले. कुमारी माधुरी यलिगार, शिवांचला कबाडगी, श्रेया तिळगंजी, आध्या तिळगंजी, साक्षी कोलकार, आदिती महिता आदींनी नृत्याने सर्वांचे लक्ष वेधून घेतले. भजन, कृष्ण लीला नृत्य, रास-लीला सांस्कृतिक सादरीकरणे कार्यक्रमाचे मुख्य आकर्षण ठरली. शेवटी ज्येष्ठांनी आनंदाने कृष्ण रास सादर केला.उपस्थिती:

कार्यक्रमाला अक्का देविका, प्रतिभा, मंजुळा, ईरम्मा, मोहिनी, डॉ. संगीता बेळगावीमठ, बंधू राजयोगी गुरुराज कामत, श्रीकांत, राजशेखर तडसलूर, योगेश मूलिमनी, जगदीश, हरीश, भीमण्णा आणि इतर उपस्थित होते.युवा विभागातर्फे “गीता संदेश” नाटक, श्रीकृष्णाच्या शिकवणींवर चिंतन-मंथन आणि भक्ती संगीताचा कार्यक्रम झाला. शेकडो भाविक सहभागी झाले होते.”ज्ञानाचा प्रकाश, भक्तीची शक्ती” या संदेशाने कार्यक्रम यशस्वीरित्या पार पडला.