बेळगाव येथील महानगरपालिकेच्या वॉर्ड क्रमांक ३५ अंतर्गत येणाऱ्या राणी चन्नम्मा हाउसिंग सोसायटीच्या शिवालय आवारात समुदाय भवनाच्या नूतनीकरण कामाचे भूमिपूजन उपमहापौर हनुमंत कोंगाळी यांच्या हस्ते पार पडले.

बेळगावचे खासदार जगदीश शेट्टर यांच्या खासदार स्थानिक क्षेत्र विकास योजनेंतर्गत ५ लाख रुपयांच्या निधीतून हे नूतनीकरणाचे काम करण्यात येत आहे.

या प्रसंगी माजी आमदार तथा भाजप राज्य उपाध्यक्ष अनिल बेनके, वॉर्ड ३५ च्या नगरसेविका लक्ष्मी राठोड, भाजप नेते मुरुगेंद्रगौडा पाटील, शिवांजनेय सेवा विकास संघाचे अध्यक्ष महादेव राठोड, विजया अर्थो अँड ट्रॉमा सेंटरचे संचालक डॉ. रवी पाटील, विजया हिरेमठ, विरूपाक्ष, प्रसाद यांच्यासह राणी चन्नम्मा हाउसिंग सोसायटी, ज्येष्ठ नागरिक मंच आणि अक्कन चळवळीचे पदाधिकारी व स्थानिक नागरिक उपस्थित होते.