बेळगाव शहरातील स्टेशन रोडवर असलेल्या जी लाईट्स शोरूममध्ये रविवारी रात्री अचानक आग लागल्याची घटना घडली.

शहरातील मध्यवर्ती भागात असलेल्या या दुकानातून रविवारी रात्री अचानक धूर आणि आगीच्या ज्वाला बाहेर पडताना दिसल्या. शॉर्ट सर्किटमुळे ही आग लागल्याचा संशय असून दुकानातील विविध विद्युत उपकरणे आणि शोभेच्या दिव्यांचे मोठे नुकसान झाले आहे. घटनेची माहिती मिळताच अग्निशामक दलाच्या जवानांनी तात्काळ घटनास्थळी धाव घेऊन आग आटोक्यात आणली.

स्थानिक नागरिक आणि व्यापाऱ्यांनी तात्काळ अग्निशामक दलाला घटनेची माहिती दिली. अग्निशामक दलाच्या कर्मचाऱ्यांनी प्रयत्न करत आग आजूबाजूच्या इतर दुकानांमध्ये पसरण्यापासून रोखली. या घटनेत दुकानातील साहित्याचे मोठे नुकसान झाले असले तरी सुदैवाने कोणतीही जीवितहानी झालेली नाही.