कर्नाटक महर्षी वाल्मीकी अनुसूचित जमाती विकास महामंडळाच्या बेळगाव जिल्हा घटकातर्फे बेळगाव ग्रामीणमधील पात्र लाभार्थ्यांना आमदार लक्ष्मी हेब्बाळकर यांच्या हस्ते मोटर पंपसेटचे वाटप करण्यात आले.

शेतीसाठी योग्य सिंचन सुविधा उपलब्ध होणे आवश्यक आहे. शेतकऱ्यांनी शेतीची कामे सुरळीत पार पाडून चांगले उत्पन्न मिळवण्यासाठी सर्व आवश्यक सुविधा पुरवणे गरजेचे असल्याचे मत आमदार लक्ष्मी हेब्बाळकर यांनी व्यक्त केले.

शासकीय योजनांचा लाभ समाजातील शेवटच्या घटकापर्यंत पोहोचला पाहिजे. पात्र लाभार्थ्यांनी या योजनांचा योग्य वापर करून आपले जीवनमान उंचावावे. विशेषतः अनुसूचित जमातीतील बांधवांनी आर्थिकदृष्ट्या सक्षम आणि स्वावलंबी व्हावे, ही आमची भावना असल्याचे त्यांनी सांगितले.

शासकीय योजनांद्वारे गरजूंना आवश्यक सुविधा पुरवून त्यांच्या विकासाला हातभार लावणे ही सरकारची बांधीलकी आहे. मिळालेल्या साहित्याचा योग्य वापर करून शेतकऱ्यांनी शेतीत प्रगती साधावी, अशी अपेक्षा त्यांनी व्यक्त केली.

या कार्यक्रमास कर्नाटक महर्षी वाल्मीकी अनुसूचित जमाती विकास महामंडळाचे बेळगाव जिल्हा व्यवस्थापक सदाशिव भीमगोळ, तालुका विकास अधिकारी बी. एम. मंजप्पा, कार्यालयीन कर्मचारी गंगाधर जिराळे आणि अरविंद द्यामनगौडर उपस्थित होते.