शेतीसाठी आवश्यक असलेल्या पंपांना सुरळीत वीज पुरवठा करण्यात यावा या मागणीसाठी विजापूर जिल्ह्यातील सिंदगी शहरात शेतकऱ्यांनी तीव्र आंदोलन केले. सिंदगी तालुक्यातील नंदीगेरी, सुंगठाण, मुरुडी आणि खैनूर परिसरातील शेतकऱ्यांनी एकत्र येत केइबी कार्यालयावर धडक दिली.

शेती पंपांना योग्य प्रकारे आणि वेळेत वीज पुरवठा होत नसल्याने उभी पिके वाळू लागली असून शेतकरी मोठ्या संकटात सापडले आहेत. पिकांना पाणी देणे अशक्य झाल्यामुळे शेतीचे अतोनात नुकसान होत आहे. अशा कठीण परिस्थितीत वीज वितरण कंपनीच्या अधिकाऱ्यांनी शेतकऱ्यांच्या जीवाशी खेळू नये, असा संतप्त सवाल आंदोलकांनी उपस्थित केला.

नंदीगेरी, सुंगठाण, मुरुडी आणि खैनूर भागातील वीज समस्या तात्काळ सोडवून शेतीकामासाठी आवश्यक असलेला वीज पुरवठा सुरळीत करावा, अशी ठाम मागणी शेतकऱ्यांनी केली. या आंदोलनाला माजी आमदार रमेश भुसनूर यांनी उपस्थित राहून आपला पाठिंबा दर्शवला.

विजयकुमार सारवाड,
इन न्यूज,
विजापूर