थायलंडमधील बँकॉक येथे पार पडलेल्या आंतरराष्ट्रीय योग स्पर्धेत बेळगावच्या नागव्वा शेखर तेनगी यांनी द्वितीय क्रमांक पटकावून देशाचे नाव उज्ज्वल केले आहे.

बेಳगाव येथील महालक्ष्मी नगरच्या रहिवासी असलेल्या नागव्वा तेनगी यांनी आपल्या कठोर परिश्रमाच्या जोरावर योग क्षेत्रात उल्लेखनीय यश संपादन केले आहे. पतीच्या प्रोत्साहनातून त्यांनी कोची येथे दोन वर्षे योगासनांचे प्रशिक्षण घेतले असून अंजना चंद्रन यांनी त्यांना मार्गदर्शन केले होते.

राज्य आणि राष्ट्रीय पातळीवरील स्पर्धांमध्ये उत्कृष्ट कामगिरी करत त्यांनी गुणवत्तेच्या आधारे आंतरराष्ट्रीय स्पर्धेसाठी आपली निवड निश्चित केली होती.

बँकॉक येथे झालेल्या आंतरराष्ट्रीय योग स्पर्धेत त्यांनी उत्कृष्ट प्रदर्शन करत रौप्यपदक आणि चषक आपल्या नावावर केला.

हे यश आपल्या गुरूंचे मार्गदर्शन आणि कुटुंबीयांच्या भक्कम पाठिंब्यामुळेच शक्य झाल्याची प्रतिक्रिया नागव्वा तेनगी यांनी व्यक्त केली आहे.