राष्ट्रभक्तीचे प्रतीक असलेल्या वंदे मातरम् गीतावर घालण्यात आलेल्या मर्यादा आणि घेतलेल्या निर्णयाविरोधात बेळगावात भारतीय जनता पार्टीच्या वतीने तीव्र निषेध व्यक्त करण्यात आला.

स्वातंत्र्यलढ्याची प्रेरणा असलेल्या या गीताच्या विरोधातील सरकारी निर्णयावर रोष व्यक्त करत कार्यकर्त्यांनी परिसरात जोरदार घोषणाबाजी केली.

स्वातंत्र्यलढ्यात या गीताचे महत्त्व अनन्यसाधारण असून काँग्रेसच्या राजवटीत त्याचे सहाही चरण गाणे बंधनकारक करण्याची मागणी भाजपचे राज्य उपाध्यक्ष एम. नागराज यांनी केली. राष्ट्रीय स्तरावरील बैठकीमध्येही हाच निर्णय घेतला असून काँग्रेसने या गीताचा पूर्ण सन्मान करावा, असे त्यांनी नमूद केले.

स्वातंत्र्यलढ्याची आठवण करून देणाऱ्या या गीताचे महत्त्व कमी करण्याचा प्रयत्न राज्य सरकार करत असल्याचा आरोप भाजप ग्रामीण जिल्हाध्यक्ष सुभाश पाटील यांनी केला. सरकारने आपला हा निर्णय तातडीने मागे न घेतल्यास राज्यभर उग्र आंदोलन उभारण्यात येईल, असा इशारा सुभाश पाटील यांनी दिला.

या आंदोलनात भाजप नगराध्यक्ष गीता सुतार, माजी आमदार अरविंद पाटील आणि महांतेश दोड्डगौडर आदींसह प्रमुख पदाधिकारी सहभागी झाले होते.