बेळगाव तालुक्यातील बाळेकुंद्री के. एच. गावात विविध रस्ते विकासकामांचे भूमिपूजन आमदार लक्ष्मी हेब्बाळकर यांच्या हस्ते पार पडले.

गावातील विविध भागांत रस्त्यांची आवश्यकता ओळखून नागरिकांना सुलभ आणि सुरक्षित वाहतूक व्यवस्था उपलब्ध करून देण्याच्या उद्देशाने ही कामे हाती घेण्यात आली आहेत. रस्ते पूर्ण झाल्यानंतर ग्रामस्थ, शेतकरी, विद्यार्थी आणि महिलांना दळणवळणासाठी मोठी सोय होणार आहे.

याप्रसंगी बोलताना आमदार लक्ष्मी हेब्बाळकर म्हणाल्या की, गावांच्या सर्वांगीण विकासात उत्तम रस्ते संपर्क महत्त्वाची भूमिका बजावतो. रस्ते, गटारी आणि पिण्याचे पाणी यांसारख्या मूलभूत सुविधा उपलब्ध करून देऊन ग्रामीण भागातील नागरिकांचे जीवनमान उंचावणे हेच मुख्य ध्येय आहे.

रस्ते कामांचा शुभारंभ झाल्याबद्दल ग्रामस्थांनी आनंद व्यक्त करत आमदार लक्ष्मी हेब्बाळकर यांचे आभार मानले.

यावेळी विधान परिषद सदस्य चन्नराज हट्टीहोळी यांच्यासह स्थानिक लोकप्रतिनिधी, पक्षाचे कार्यकर्ते आणि नागरिक उपस्थित होते.