खानापूरमध्ये कृषी विभागाच्या वतीने शेतकऱ्यांना विविध कृषी उपकरणे आणि यंत्रसामग्रीचे वाटप करण्यात आले. आमदार विठ्ठल हलगेकर यांच्या हस्ते ट्रॅक्टर, पॉवर टिलर, स्प्रिंकलर संच, भात कापणी यंत्र, रोटाव्हेटरसह विविध उपकरणांचे वितरण करण्यात आले.

तालुक्यातील विविध गावांतील लाभार्थी शेतकऱ्यांना यंत्रसामग्री देण्यात आली. यावेळी कृषी विभागाचे अधिकारी ए. डी. चव्हाण, भाजप किसान मोर्चाचे जिल्हा उपाध्यक्ष तथा लैला साखर कारखान्याचे व्यवस्थापकीय संचालक सदानंद पाटील, विजय कामत यांच्यासह शेतकरी उपस्थित होते.

आधुनिक कृषी यंत्रसामग्रीच्या वापरामुळे शेतीतील श्रम आणि वेळ कमी होण्यासोबतच उत्पादकता वाढण्यास मदत होते. अधिकाधिक शेतकऱ्यांनी शासकीय कृषी योजनांचा लाभ घेऊन आधुनिक तंत्रज्ञानाचा शेतीत वापर करावा, असे आवाहन आमदार विठ्ठल हलगेकर यांनी केले.