बागलकोट जिल्ह्यातील जमखंडी येथे एका सरकारी कार्यक्रमादरम्यान मंत्री आर.बी. तिम्मापूर यांच्यासमोरच काँग्रेस आणि भाजप कार्यकर्त्यांमध्ये जोरदार बाचाबाची, वाद आणि हाणामारी झाली असून या घटनेमुळे प्रोटोकॉलच्या राजकारणावरून दोन्ही पक्षांतील तणाव उघड झाला.

जमखंडी शहरातील कृषी विभागाच्या नवीन कार्यालयाच्या उद्घाटन कार्यक्रमात हा प्रकार घडला. कार्यक्रमात काँग्रेसचे माजी आमदार आनंद न्यामगौडर यांना आमंत्रित केल्याने भाजप आमदार संतप्त झाले होते. विशेष म्हणजे, उद्घाटन फलकावर जमखंडी नगरपरिषदेच्या अध्यक्षांचे नाव नसल्यानेही मंत्र्यांसमोरच हाणामारी झाली.

या गदारोळामुळे व्यासपीठावरील कार्यक्रमच रद्द करण्यात आला. परिस्थिती इतकी बिघडली होती की, व्यासपीठावर गोंधळाचे वातावरण निर्माण झाले. एपीएमसी सदस्यांनी तेरदाळचे आमदार सिद्धू सवदी यांच्यावर टीका केली. या परस्पर वादामुळे उपस्थित नेतेही अडचणीत आले. पोलीस आणि तहसीलदार यांनी परिस्थिती नियंत्रणात आणण्याचा प्रयत्न केला.

प्रोटोकॉलचे पालन न करणाऱ्या अधिकाऱ्यांविरोधात हक्कभंग प्रस्ताव आणण्याची मागणी भाजपचे तेरदाळचे आमदार सिद्धू सवदी आणि जमखंडीचे जगदीश गुडगुंटी यांनी केली आहे.