अनेक दिवसांच्या संघर्षानंतर, आज धारवाड शहराच्या नागरिकांचे स्वप्न राज्य सरकारच्या मंत्रीमंडळ बैठकीत सत्यात उतरले. धारवाडला स्वतंत्र पालिका मिळण्यास राज्य सरकारने अनुमती दर्शवली आहे . ज्यामुळे पालिका परिसरात स्वतंत्र पालिकेसाठी संघर्ष करणाऱ्यांचा आनंद गगनाला भिडला.

धारवाडच्या स्वतंत्र पालिकेसाठी गेल्या १० वर्षांपासून धारवाडचे हितचिंतक व वरिष्ठ नागरिक तिव्र संघर्ष करत होते. आणि आज नवीन वर्षाच्या दुसऱ्या दिवशी राज्य सरकारने धारवाडच्या नागरिकांसाठी व स्वतंत्र महानगर पालिका आंदोलनकर्त्यांसाठी आनंदाची बातमी दिली आहे. राज्य सरकारने धारवाडला स्वतंत्र पालिका देण्यास मंजुरी दिली आहे. यामुळे आज पालिकेच्या समोर स्वतंत्र पालिकेच्या आंदोलनकर्त्यांनी आनंद व्यक्त केला. सर्व पक्षीय आंदोलनकर्त्यांनी एकत्र येऊन आनंद साजरा केला, फटाके फोडले आणि गोडधोड वाटले.

धारवाड हुब्बळी-धारवाड महानगर पालिकेच्या छायेत अनेक वर्षांपासून विकासाच्या बाबतीत मागे पडले होते. यामुळे धारवाडचे हितचिंतक व प्रगल्भ नागरिक स्वतंत्र पालिकेची मागणी करत होते. त्याचप्रमाणे, निधीविषयक विषमता कारणामुळे धारवाडचा विकास थांबला होता. त्यासाठी स्वतंत्र पालिकेची आवश्यकता होती, आणि राज्य सरकारला याबद्दल अनेक दिवस आग्रह धरण्यात आला होता. याचे परिणामस्वरूप, आज मुख्यमंत्री सिद्धरामय्या यांच्या नेतृत्वात झालेल्या मंत्रिमंडळ बैठकीत स्वतंत्र पालिका स्थापनेस मान्यता मिळाली. धारवाडच्या हितचिंतकालाही या निर्णयामुळे आनंद झाला आहे.