बेळगाव जिल्हा क्रीडा कराटे असोसिएशनच्या वतीने आयोजित 6 व्या राज्यस्तरीय कराटे स्पर्धेत बेन्सन्स इंटरनॅशनल ॲकॅडमी, बेळगावच्या विद्यार्थ्यांनी घवघवीत यश संपादन केले आहे.

बेळगाव जिल्हा क्रीडा कराटे असोसिएशनच्या वतीने बेळगावमधील शहापूर येथील श्री दानम्मादेवी कार्यालयात नुकतेच सहाव्या राज्यस्तरीय कराटे स्पर्धेचे आयोजन करण्यात आले होते. या स्पर्धेत बेन्सन्स इंटरनॅशनल ॲकॅडमी, बेळगावच्या विद्यार्थ्यांनी विविध प्रकारात १२ सुवर्ण, १५ रौप्य आणि १५ कांस्य पदके पटकावली आहेत.

या स्पर्धेत सुमारे 1400 स्पर्धकांनी सहभाग घेतला होता. मुख्याध्यापिका मनीषा महाजन, शाळेचे व्यवस्थापक जॉन, कराटे प्रशिक्षक जितेंद्र काकतीकर, रमजान रायचूर आदींनी यश संपादन केलेल्या विद्यार्थ्यांचे अभिनंदन केले.