बेळगाव शहर पोलीस आयुक्त याडा मार्टिन मारबानियांग तसेच , पोलीस उपायुक्त कायदा व सुव्यवस्था बेळगाव शहर, पोलीस उपायुक्त गुन्हे व वाहतूक बेळगाव शहर व पोलीस स्थाणयचेसहायक पोलीस आयुक्त मार्केट उपविभाग बेळगाव शहर यांच्या मार्गदर्शनाखाली , एपीएमसी पोलिसांनी चोरीच्या 08 मोटारसायकली जप्त केल्या आहेत.

या प्रकरणी , एपीएमसी पोलिसांनी बेळगाव शहरातील, गॅंगवाडी , रामनगर येथील ज्योतीनगरातील रहिवासी असलेल्या , हेमंत शिवाजी जंगले याला अटक केली आहे . केएलई हॉस्पिटल रोडवर संशयास्पदरित्या फिरत असताना त्याची चौकशी केली असता , आरोपींने शहरातील विविध ठिकाणाहून एकूण 8 मोटारसायकली चोरल्याची कबुली दिली.

एपीएमसी पोलीस ठाणे आणि संकेश्वर पोलीस ठाण्याच्या व्याप्तीतील प्रत्येकी एक मोटारसायकल सापडली असून उर्वरित ६ मोटारसायकलींच्या वाहनमालकांचा शोध सुरू आहे. सदर आरोपीवर गुन्हा नोंद करण्यात आला आहे . पोलीस निरीक्षक श्री.आर.आर.पाटील (प्रभारी), पीएसआय .मंजुनाथ भजंत्री, . त्रिवेणी नाटीकर, .बी.के.मिटगार , एएसआय, व कर्मचारी सदस्य .बी.एम.नरगुंद , एफ.बी. मुजावर, खदार खानम्मवर, गोविंदा पुजारी आणि . एन.डी. बिरगोंडा यांचे वरिष्ठ अधिकाऱ्यांनी कौतुक केले आहे.