आज बेळगाव महानगरपालिकेच्या कौन्सिल सभेत सन 2022-2023 च्या बिले संकलनातून जमा झालेल्या निधीबाबत महत्वाची चर्चा झाली. यादरम्यान अर्थसंकल्पामध्ये असलेल्या अपूर्ण माहितीच्या पार्श्वभूमीवर सभा दुपारपर्यंत तहकूब करण्यात आली.  मनपा सभागृहात महापौर सविता कांबळे यांच्या अध्यक्षतेखाली परिषदेची बैठक बोलाविण्यात आली होती. सर्वप्रथम महानगरपालिकेच्या नामनिर्देशित सदस्यांचा पदग्रहण समारंभ पार पडला.

सभेच्या सुरुवातीलाच विरोधी पक्षनेते मुझम्मील डोणी यांनी प्रभागवार अनुदान वाटपातील भेदभाव दुरुस्त करण्याची मागणी केली. सत्ताधारी पक्षाच्याच सदस्यांना अनुदान दिल्याचा आरोप नगर सेवक शाहिद पठाण यांनी केला. मात्र, सत्ताधारी पक्षातील सदस्यांनी आधी सभेच्या कामकाजावर चर्चा करून नंतर या विषारावर चर्चा करू, असे सांगितले. प्रभाग अर्थसंकल्प वाटपाबाबत यापूर्वी झालेल्या सभेत सहभागी होऊनही चर्चा का करण्यात आली नाही ? असा सवाल करत विरोधी पक्षाचे सदस्य आणि सत्ताधारी यांच्यात शाब्दिक खडाजंगी झाली.

जनतेने आम्हाला नगरसेवक म्हणून महापालिकेवर निवडून दिले आहे. मात्र 2022 ते 2024 पर्यंत विकासकामे सुरूच नाहीत. बजेट नसल्याचे सांगितले जाते. त्यामुळे महापालिकेच्या 2022-2023 च्या अर्थसंकल्पातील मसुदा संकलनातून जमा झालेला पैसा गेला कुठे? असा सवाल विरोधी सदस्य अजीम पटवेगार यांनी केला. यावेळी मनपा अधिकाऱ्यांनीही याचे उत्तर देण्यास टाळाटाळ करत आपण त्यावेळी येथील अधिकारी नसल्याचे सांगितले. त्यामुळे संतप्त झालेले सत्ताधारी गटाचे सदस्य रवी धोत्रे यांनी अधिकाऱ्यांनी अशी उत्तरे देणे हे योग्य नसल्याचे सांगितले.

नामनिर्देशित सदस्य रमेश कळसण्णावर यांनी विरोधी सदस्यांनी उपस्थित केलेल्या प्रश्नाला उभे राहून उत्तर देणे हे सत्ताधारी पक्षाचे कर्तव्य असून याबाबत अधिकाऱ्यांना अगोदर माहिती देणे ही त्यांची जबाबदारी आहे. पक्ष-विरोधक आणि अधिकाऱ्यांमध्ये माहितीचा अभाव आढळून आल्याने महापौर सविता कांबळे, आमदार आसिफ सेठ यांच्या उपस्थितीत 15 मिनिटे चर्चा करून पुढील विषयावर चर्चा करण्याचा सल्ला दिला.

यावेळी महापौर सविता कांबळे यांनी आक्षेप घेतल्याने मनपाची सभा दुपारपर्यंत तहकूब करण्यात आली.