बसवेश्वर समर्थक विविध संघटनांनी निषेध व्यक्त करत बेळगाव येथील गोवावेस येथील श्री बसवेश्वर उद्यानात विश्वगुरू बसवण्णांचा 50 फूट उंच पुतळा बसविण्यात यावा व बसवेश्वर उद्यान बेंगळुरूच्या मॉडेलवर विकसित करण्यात यावे, या मागणीचे निवेदन जिल्हाधिकाऱ्यांना दिले.

श्री बसवेश्वर मूर्ती आणि उद्यानाच्या विकासाच्या मागणीसाठी आज विविध बसव समर्थक संघटनांनी बेळगाव जिल्हाधिकारी कार्यालयासमोर ठिय्या आंदोलन केले.जगज्योती बसवेश्वर यांना कर्नाटकचे सांस्कृतिक नेते म्हणून घोषित करण्यात आले आहे. शासन आणि आमदारांच्या मदतीने शहरात अनेक महात्म्यांच्या मूर्तींची प्रतिष्ठापना केली जात आहे. परंतु शहरातील गोवावेस येथील बसवेश्वर सर्कलजवळील उद्यानात विश्वगुरू बसवण्णांच्या मूर्तीकडे दुर्लक्ष होत आहे. त्यामुळे त्यांच्या चाहत्यांमध्ये खळबळ उडाली आहे.

बसवेश्वर सर्कलजवळील बागेत विश्वगुरु बसवण्णांचा ५० फुटांचा पुतळा बसवावा. श्री बसवेश्वर उद्यानाचा विकास बेंगळुरूच्या मॉडेलवर व्हावा. महानगरपालिकेच्या बैठकीत रेल्वे ओव्हर ब्रिजला बसवेश्वर पूल असे नाव देण्याचा ठराव मंजूर करण्यात आला. मात्र आजतागायत या पुलाला बसवण्णांचे नाव देण्यात आलेले नाही. तातडीने कारवाई करावी. बेळगाव रेल्वे स्थानकावर छत्रपती शिवाजी महाराज आणि डॉ. बाबासाहेब आंबेडकर यांच्या पुतळ्यासोबत बसवण्णांचे शिल्पही बसवावे, अशी मागणी चन्नबसव फाऊंडेशनचे अध्यक्ष शंकर गुडस यांनी केली.

याबाबतचे निवेदन जिल्हाधिकाऱ्यांमार्फत शासनाला देण्यात आले. जिल्हाधिकारी मोहम्मद रोशन यांनी निवेदन स्वीकारून सकारात्मक प्रतिसाद दिला.
यावेळी बसवजीवी कायकयोगी संघ, चन्नबसव फाऊंडेशन , जागतिक लिंगायत महासभा, लिंगायत संघटना, हरळय्या समाज, हडपद समाज आदींसह बसव समर्थक संघटनांचे नेते, पदाधिकारी व कार्यकर्ते मोठ्या संख्येने सहभागी झाले होते.